Y Cam Nesaf
Croeso i wefan y Cam Nesaf, y ffordd ymlaen ar gyfer pobl gyda afiechyd meddwil ddifrifol
- Oes gennych chi, neu a ydych chi’n amau bod gennych chi, afiechyd meddwl
difrifol?
- Ydych chi’n teimlo bod eich salwch yn eich rheoli neu eich bod yn methu
symud ymlaen?
- Ydych chi eisiau gallu rheoli eich bywyd a chyflawni adferiad?
Os felly, mae pecyn Y Cam Nesaf wedi’i gynllunio ar eich cyfer chi.
Datblygwyd y pecyn hwn gan Hafal, yr elusen Gymreig ar gyfer pobl gydag afiechyd
meddwl difrifol, ac mae’n seiliedig ar brofiadau a sylwadau gan gannoedd o’n
cleientiaid. Mae’n rhoi’r arfau sydd eu hangen arnoch chi i:
- reoli eich salwch
- edrych ar bob agwedd ar eich bywyd, asesu a gosod targedau
- bod yn gadarnhaol a symud ymlaen wrth i chi gyrraedd adferiad.
Beth yw adferiad? Mae adferiad yn ffordd o adennill iechyd meddwl a
chyflawni gwell ansawdd i fywyd. Mae’n canolbwyntio ar roi grym i bobl wella eu
bywydau ym mhob maes, yn hytrach na chynnal bywoliaeth ddigonol yn unig.
Ar gyfer pwy mae adferiad?Mae adferiad ar gyfer pawb. Gall pawb
gymryd camau tuag at wella eu hiechyd meddwl a chyflawni gwell ansawdd i fywyd.
Ond, mae gan bobl gyda phrofiad o salwch meddwl hefyd yr hawl i wneud
gwelliannau ym mhob rhan o’u bywydau, sydd at ei gilydd yn cyfrannu tuag at
iechyd meddwl da.
Pan fydd pobl yn cael profiad o afiechyd meddwl, mae’n ddefnyddiol bod yn fwy
trefnus wrth edrych ar sut y gellir gwella eu bywydau a chyflawni adferiad. Mae
pecyn Y Cam Nesaf yn cynnig yr agwedd drefnus yma.
Ble ddylwn i gychwyn?
Yma. Yr oll sydd angen i chi ei wneud yw gweithio eich ffordd drwy’r camau
canlynol a chlicio i fynd at y canllawiau cysylltiedig pan fyddwch chi angen
(mae’r canllawiau ar gael fel ffeiliau pdf, felly bydd arnoch angen Adobe Acrobat
Reader i’w hagor).
|
