Bydd gwaith Hafal ar draws 22 sir Cymru yn cael ei arddangos yng nghynhadledd hydref "Gallwn Wneud Hyn!" yr elusen sydd i'w chynnal yn Llanfair-ym-Muallt ar y 12fed o Dachwedd.

Bydd ymwelwyr â'r gynhadledd yn cael cyfle i gymryd rhan mewn "Taith o Gwmpas Cymru" drwy ymweld â 22 stondin arddangos ryngweithiol a fydd yn amlygu'r ystod eang o waith sydd yn cael ei wneud gan brif elusen Cymru ar gyfer pobl ag afiechyd meddwl difrifol a'u gofalwyr.

Bydd nifer o seminarau a gweithdai yn cael eu cynnal drwy gydol y diwrnod gan gynnwys:

• Cyflogaeth a buddiannau: sut i gael bargen dêg ar gyflogaeth a buddiannau i bobl ag afiechyd meddwl difrifol

• Cyfiawnder Troseddol: sut i gynorthwyo pobl ag afiechyd meddwl difrifol sydd yn cael eu dal yn y system
cyfiawnder troseddol.

• Addysg a hyfforddiant: sut i sicrhau mynediad cyfartal at ddysgu.

• Rali defnyddwyr: cyfle i roi barn ar faterion ymgyrchu ac iechyd meddwl allweddol y flwyddyn sydd i ddod.
Bydd ymwelwyr hefyd yn medru siarad â staff Canolfan Dysgu Hafal am y cyfleodd dysgu; mwynhau te a choffi yng Nghaffi Rhwydwaith Hafal; cymryd rhan mewn sesiynau arbrofol o Tai Chi a rhoi rhwydd hynt i'w dawn artistig yn yr ymarfer Anarchiaeth Celf.