Bydd yr elusen iechyd meddwl Cymreig, Hafal, yn cynnal ei Ddiwrnod Ymwybyddiaeth Iechyd Corfforol Cenedlaethol ar gyfer 2009 yng Nghanolfan Chwaraeon Castell-nedd ar y 9fed o Orffennaf.

Bydd y diwrnod chwaraeon yn rhoi cyfle i bobl gydag afiechyd meddwl difrifol, a'u gofalwyr, o bob rhan o Gymru i gystadlu mewn nifer o gystadlaethau, gan gynnwys pêl-droed pump bob ochr, tynnu rhaff, taflu'r weli, bowls, rasio ceffylau, ras ŵy-ar-lwy, pêl foli, cwrs rhwystrau a Tai Chi.

Dywedodd Emma Billings, Cydlynydd y Diwrnod: "Dylai fod yn ddiwrnod hwyliog iawn ac rydym yn gwybod o'r dyddiau chwaraeon yn y gorffennol y bydd yna gystadlu brwd mewn rhai cystadlaethau!

"Mae'r diwrnod wedi'i gynllunio i gael ei fwynhau a bydd yno rywbeth ar gyfer pawb, ond mae neges ddifrifol yn cael ei chyflwyno hefyd.

"Mae astudiaethau diweddar wedi dangos nad yw iechyd corfforol a hyd oes ddisgwyliedig pobl gydag afiechyd meddwl cystal â phobl eraill. Bydd y digwyddiad hwn yn tynnu sylw at gynnal iechyd corfforol fel rhan allweddol o wella o afiechyd meddwl."