Andrew RT Davies a Rheolwr Ymgyrchoedd Hafal, John Abbott

Cafodd Hafal gyfarfod â Llefarydd Iechyd a Gwasanaethau Cymdeithasol Gwrthbleidiol newydd y Cynulliad, Andrew R.T. Davies AC, yn ddiweddar.

Cymerodd Mr Davies, Aelod y Cynulliad ar gyfer Canol De Cymru, le Jonathan Morgan AC yn y rôl hon ddiwedd mis Chwefror a bu'r cyfarfod yma yn gyfle i Mr Davies gael gwybod am waith diweddaraf Hafal a'u prif faterion ymgyrchu.

Wrth son am y GIG dan ei strwythur newydd, nododd Mr Davies y byddai'n hanfodol cael cyfarwyddiadau clir am gyfrifoldebau ar gyfer materion iechyd meddwl ar draws Cymru o fewn y strwythur hwnnw, a rhoddodd ei gefnogaeth lawn i waith Hafal. Rhoddodd Mr Davies ei gefnogaeth hefyd i Orchymyn Cymhwysedd Deddfwriaethol Iechyd Meddwl ei ragflaenydd, fydd yn y pen draw yn helpu trosglwyddo pwerau creu deddfau o'r Senedd yn San Steffan i'r Cynulliad er mwyn delio â hawliau cleifion i driniaeth ac eiriolaeth gynnar.

Roedd Mr Davies yn barod iawn i dderbyn y gwahoddiad i gyfarfod yn rheolaidd â Hafal er mwyn iddo gael gwybod y diweddaraf am y modd y mae cyflwyniad gwasanaethau a pholisïau iechyd meddwl yng Nghymru yn effeithio ar bobl gydag afiechyd meddwl difrifol.