Amdano Hafal

Pwy ydyn ni?

Hafal yw prif sefydliad yng Nghymru yn gweithio gyda phobl sy'n Adferiad o afiechyd meddwl difrifol, a'u teuluoedd. Wedi'i lansio fis Ebrill 2003, rydyn ni'n sefydliad newydd a reolir gan y bobl rydyn ni'n eu cefnogi - unigolion ag afiechyd meddwl difrifol a'u teuluoedd.

Bob dydd mae ein 112 o staff a 150 o wirfoddolwyr yn helpu dros 640 o bobl sydd wedi eu haffeithio gan afiechyd meddwl difrifol: mae hyn yn cynnwys sgitsoffrenia, iselder manig a diagnosis eraill sy'n ymwneud yn aml â seicosis neu lefelau uchel o ofal, ac sydd efallai yn gofyn am driniaeth mewn ysbyty.

Beth yw ein bwriad?

Seiliwyd Hafal ar y gred mai pobl sydd wedi cael profiad uniongyrchol o afiechyd meddwl a wyr orau sut y gellir darparu gwasanaethau.

Mae Hafal yn rhoi cefnogaeth ar draws ardaloedd y 22 Bwrdd Iechyd Lleol yng Nghymru, ac wedi'i ymrwymo i alluogi pobl ag afiechyd meddwl difrifol, a'u teuluoedd i:

• gael gwell ansawdd i'w bywyd
• cyflawni eu huchelgais am wella
• brwydro yn erbyn gwahaniaethu
• mwynhau yr un mynediad i ofal iechyd a gofal cymdeithasol, tai, incwm, addysg a chyflogaeth.

Beth ydyn ni'n ei wneud?

Mae Hafal yn rhoi ystod o wasanaethau i bobl ag afiechyd meddwl difrifol gan gynnwys cefnogaeth a chyngor uniongyrchol, cefnogaeth mewn argyfwng, cyswllt ag eraill dros y ffôn, eiriolaeth, cefnogaeth mewn grŵp, cyflwyniadau ar gyfer gwneud ffrindiau a phrosiectau cyflogaeth a hyfforddi. Rydyn ni hefyd yn rhoi llais y mae mawr ei angen ar gleientiaid yn y broses o gynllunio gwasanaethau iechyd meddwl.

Yn sail i'n gwasanaethau i gleientiaid, teuluoedd ac aelodau mae ein Rhaglen Wella ein hunain. Seiliwyd y Rhaglen hon ar egwyddorion cyfoes o hunanreolaeth ac ymgrymuso. Mae'n annog cleientiaid a theuluoedd i weithio tuag at wella, gyda chymorth staff Hafal a chefnogwyr eraill, drwy gael ymagwedd fwy methodolegol i wella holl elfennau bywyd.

Yn ogystal â darparu gwasanaethau, mae Hafal yn ymgyrchu'n gryf drwy waith ymchwil, cyhoeddiadau a'r cyfryngau i wella gwasanaethau ar gyfer cleientiaid a theuluoedd ac er mwyn dileu'r gwarth a'r unigrwydd a gysylltir ag afiechyd meddwl difrifol. Mae gan Hafal hefyd gynrychiolaeth grŵp Gweithredu Llywodraeth y Cynulliad Cenedlaethol sy'n cynghori ar weithredu Strategaeth Iechyd Meddwl Cymru.

Pwy sy'n rhedeg Hafal?

Mae Hafal yn sefydliad sy'n cael ei lywio gan ei aelodau. Rydyn ni wedi arloesi hyrwyddo cydgyfranogaeth gan gleientiaid ar bob lefel drwy ein Compact Partneriaeth, sy'n ffurfioli rheolaeth gwasanaethau lleol gan gleientiaid, ac sy'n cynnwys cleientiaid yn y broses o ymaelodi a llywodraethu. Mae cleientiaid ym mhob prosiect yn cyfarfod yn rheolaidd â staff er mwyn gwneud penderfyniadau rheoli ffurfiol. Caiff cleientiaid hefyd eu cynrychioli ar bwyllgor Cymru gyfan o Ymddiriedolwyr etholedig sy'n cynnwys cleientiaid a theuluoedd yn bennaf.

Mae Strategaeth Iechyd Meddwl 2002 Llywodraeth y Cynulliad Cenedlaethol yn llywio ac yn arwain gweithrediadau a pholisïau Hafal. Cefnogir Hafal gan Lywodraeth y Cynuliad Cenedlaethol, prynwyr statudol lleol ac ymddiriedolaethau sy'n rhoi grantiau.

Ble allwch chi ddod o hyd inni?

Mae gwasanaethau Hafal yn cynnwys Cymru gyfan. Cefnogir ein Rhaglen gan 22 rhwydwaith lleol sy'n cynnwys pob ardal Awdurdod Lleol a Bwrdd Iechyd Lleol yn y wlad. Dibynna'r rhwydweithiau hyn ar staff a gwirfoddolwyr lleol i gynnig gwasanaeth hyblyg i deuluoedd ac unigolion.

Yng Nghastell Nedd y mae ein prif swyddfa, ac mae swyddfa Gogledd Cymru yn Nhreffynnon. Ewch i'n tudalen Gysylltiadau er mwyn cysylltu â ni.