Panel Cyfeirio Proffesiynol

  • Rheolir Hafal gan ei aelodau – pobl gydag afiechyd
    meddwl difrifol (cleientiaid) a’u gofalwyr – a chaiff hyn ei adlewyrchu
    yn ei Fwrdd Ymddiriedolwyr, sy’n cynnwys cleientiaid a gofalwyr yn
    bennaf.
  • Bydd yr Elusen yn parhau i gael ei reoli’n
    eglur gan gleientiaid a gofalwyr, ond ar yr un adeg, mae Hafal eisiau
    sicrhau bod profiad iechyd meddwl personol ein haelodau yn gytbwys ac
    yn cael ei ategu gan Banel ymgynghori, gydag arbenigedd proffesiynol o
    faes iechyd meddwl a meysydd eraill perthnasol.
  • Mae gan Hafal ddisgwyliadau realistig ar gyfer y Panel, ac mae felly wedi cytuno y bydd yn gweithredu dros e-bost.
  • Gofynnir am gefnogaeth achlysurol gan aelodau’r Panel ar ffurf
    ymatebion i ymgynghoriad ar e-bost, naill ai’n unigol (ble y byddai
    arbenigedd aelod penodol o’r Panel yn berthnasol) neu ar y cyd (er
    enghraifft, pan fydd polisi cyffredinol wrthi’n cael ei ddatblygu gan
    yr Elusen a bod angen amrywiaeth barn).
  • I
    sicrhau’r defnydd gorau, dim ond yr Ymddiriedolwyr ar y cyd neu’r
    Cadeirydd, y Prif Weithredwr neu Ysgrifennydd y Cwmni fydd yn cysylltu
    â’r Panel fel bo’n briodol.
  • Gofynnir i aelodau’r
    Panel ymateb yn uniongyrchol i’r anfonwr, yn hytrach na chopïo enwau
    holl aelodau eraill y Panel i’r neges: mae hyn, yn syml, i osgoi nifer
    fawr o negeseuon, ond byddwn, wrth gwrs, yn cynnig crynodeb o ymatebion
    y Panel fel bo’r angen. Yn amlwg, gall aelodau’r Panel ohebu â’i gilydd
    pan fydd diben penodol i hynny.
  • Er y byddai’r
    Panel yn gweithredu’n bennaf fel grwp e-bost, mae Hafal yn croesawu
    mewnbwn aelodau’r Panel i’n digwyddiadau, cynadleddau ac eraill, ond
    nid yw hyn yn hanfodol wrth gwrs.
  • Derbynnir bod unrhyw fewnbwn gan aelodau’r Panel yn dibynnu ar yr amser rhydd sydd ganddynt.
  • Nid yw aelodaeth o’r Panel yn arwydd o gefnogaeth nac ardystiad o
    bolisïau, cyhoeddiadau neu ymgyrchoedd Hafal, er bod Hafal yn gobeithio
    y bydd aelodau’r Panel yn gyfforddus â sefyllfa gyffredinol Hafal. Mae
    croeso i aelodau’r Panel anghytuno, ac mae hyn yn un ffordd y gall y
    Panel gynorthwyo’r Elusen.
  • Nid oes angen i aelodau’r Panel fod yn aelodau o Hafal, ond mae croeso iddynt ymuno os dymunant.